Pasi kontrollohen prona dhe parametrat urbanistikë, fillon zhvillimi i projektit teknik për leje ndërtimi.
ArtBuilt koordinon projektimin arkitektonik dhe disiplinat teknike të nevojshme për objektin. Projekti zhvillohet duke marrë parasysh kërkesat e klientit, kushtet e parcelës, sistemin konstruktiv dhe mënyrën si objekti do të realizohet më pas në kantier.
Sipas tipit të objektit dhe kërkesave të procedurës, dokumentacioni mund të përfshijë arkitekturën, projektin konstruktiv, topografinë, studimin gjeologjik dhe sizmik, efiçencën energjetike, mbrojtjen nga zjarri dhe disiplinat e tjera teknike që kërkohen.
Qëllimi nuk është vetëm përgatitja e dokumenteve për aplikim. Projekti duhet të jetë i koordinuar, i kuptueshëm dhe i realizueshëm teknikisht.